![](https://blogger.googleusercontent.com/img/b/R29vZ2xl/AVvXsEiBfAYuEoaGCNTs-9CHrhH9hTS7EcGGQ464drZbYdl3rztpn1CcuqA5b67lmj5PSMqmxPTx8zrfQwm_J1wvP1FkaHldtXP2iV8iaM_c-BFW1MisGG2XrTf2UOnNbRfaTGAd-I9Vq7T61oolmBSq5QdLkT6grL4vUjxt33Fei40AtiI8MwZ2SRwjrcgrVg/s1600/16X9%20-%202022-11-29T122325.767.webp)
കോഴിക്കോട്: നരിക്കുനിയിൽ ഓടിക്കൊണ്ടിരുന്ന ബസ്സിൽനിന്ന് തെറിച്ചുവീണ യാത്രക്കാരി ബസ്സിനടിയിൽപ്പെട്ട് മരിച്ചു. നരിക്കുനി ഒടുപാറയിൽ വാടകയ്ക്കു താമസിക്കുന്ന കൊയിലാണ്ടി സ്വദേശി ഉഷ (52) ആണ് മരിച്ചത്.
ഇന്നു രാവിലെ 7 മണിയോടെ നരിക്കുനി എളേറ്റിൽ റോഡിൽ നെല്ലിയേരി താഴെത്തായിരുന്നു അപകടം.താമരശ്ശേരിയിൽ നിന്നും നരിക്കുനി വഴി കോഴിക്കോട്ടേക്ക് പോകുന്ന അലങ്കാർ ബസ്സിൽ നിന്ന് വീഴുകയായിരുന്നു. ബസ്സിന്റെ വാതിൽ അടക്കാതിരുന്നതാണ് അപകടത്തിന് കാരണമെന്നാണ് പ്രാഥമിക നിഗമനം.